Ny siger til Karoline
Alle fekk tekniske problem, men rallycrosskjøraren frå Os fekk minst trøbbel og tok sesongens fjerde siger.
Det går mot ein hektisk innspurt på årets sesong for Karoline Breivik.
Etter fire sigrar og eit par andreplassar skal ho no kjøra løp fire helger på rad.
– Eg ligg godt an i både NM og vestlandsmeisterskapen, seier Karoline etter sigeren i VM-runden i Egersund i helga.
Ho sparte på go'bilen, Starlet-en, og kjørte Peugeot inn til 1. plass.
– I innleiande rundar kjørte vi mot dei større klassane, så vi var 12 bilar i alt. Der kjørte eg inn til to 7. tid og éi 9. tid.
Alle fekk trøbbel
I finalen var det klasse for klasse, og Karoline fekk med 1,6 liter bryna seg på motstandarar med 2,0-motor.
– Alle vi tre i klassen hadde ulike tekniske problem med bilane, men eg hadde minst trøbbel og kom først i mål, seier frøken Breivik om den noko heldige sigeren.
Til helga er det NM på Gardermoen, så ventar tre helger med annakvar VM- og NM-runde før sesongen blir avslutta med klubbløp i oktober ein gong.
– Peugeoten er klar, men eg sparte den til NM-runden på Gardermoen. NM har naturlegvis høgare prioritet enn vestlandsmeisterskapen.
Midtsiden samleside: Motorsport
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.