Ny snow challange
Guttaboys frå Os kårer mest atletiske osing på brett og ski - i Myrkdalen.
Det som starta nærmast som ei feiring av rekordsnømengdene i Os vinteren 2010, med bigjumpkonkurranse i Elvebakken (!) heldt fram med ny bigjumpkonkurranse på Folgefonna på 17. mai i fjor.
I år tar Os Snow Challenge-gutane showet til Voss Fjellandsby i Myrkdalen.
– Det er klart vi må halda tradisjonen ved like, seier Arne Veim Haugland.
Også i fjor var det snakk om å halda Os Snow Challange i Myrkdalen, men då blei det Fonna. I år, nærmare bestemt palmesøndag, er det tid for årets Os Snow Challange.
– MX Sport har telt i anlegget, så påmeldinga blir der klokka 12 søndagen medan konkurransen startar klokka 13.
Det blir eigen klasse for ski og brett, og kanskje inndeling på kjønn og alder om det kjem mange deltakarar.
– I tillegg skal vi kåra beste osing, seier Veim Haugland.