Ny trenar på plass

Etter årets sesong gav Terje Erstad seg som trenar for Os sitt damelag. No har Os Turn funne ein erstattar.

Kjetil Vasby Bruarøylørdag 28. nov. 2009 13:49

Etter 10 år som fotballtrenar i Os, dei siste tre for damelaget, takka Terje Erstad i haust for seg.

Henk Rozeboom, ny sportsleg leiar for damefotballen i Os Turn, fortalte på avskjedsfesten tidlegare i november at han allereie var i dialog med ein potensiell arvtakar.

- No har spelarane blitt orienterte om at Rune Balland blir ny hovudtrenar, seier Henk til Midtsiden.no.

På eit møte onsdag blei Balland presentert saman med Per Søberg og Anders Øvredal i trenarteamet. Ove Kallekleiv blir lagleiar og Tore Nøss held fram som materialforvaltar.

- Vi er glade for å ha det nye teamet på plass og Rune og teamet hans ser fram til å starta med oppkjøring til den nye sesongen, seier Rozeboom.

Rune, Per og Ove var i år sentrale på jentelaget til Os, så no blir det jobba med å finna erstattarar for dette laget.

- Er det nokon som er interesserte i år vera med og bidra er det berre til å ta kontakt.