Ny varaordførar
Frå 18. mai tar Bjørn Matland (H) over vervet som varaordførar for ein periode.
Varaordførar Marie Lunde Bruarøy (H) ba i kommunestyret 8. mai om å bli fritatt for vervet som varaordførar i perioden 18. mai 2012 til 1. januar 2013.
Årsaka til at Bruarøy ber om fritak er at ho ventar born nummer to og skal ut i fødselspermisjon.
Som varaordførar er Bruarøy frikjøpt frå sin ordinære jobb som frisør hos Syrin og Guri Frisørsalong på Os éin arbeidsdag i veka (tilsvarar 20 % stilling). Det er denne dagen ho ber om permisjon frå.
- Eg vil framleis møta som medlem i formannskapet og kommunestyret, fortalte Bruarøy.
Bjørn Matland tar over
Kommunestyret vedtok samrøystes å innvilga søknaden frå Bruarøy.
- På vegne av Høgre og Frp fremjar eg forslag på at Bjørn Matland tar over for Bruarøy i permisjonstida, sa partifelle Ståle Skaatun i møtet.
Skaatun sitt forslag til vikarierande varaordførar blei også samrøystes vedtatt.