Lokal | 02. mars 2021

To nye smittetilfelle i barnehage - sørafrikansk variant på Nore Neset

Karantenetida utvida for ungar og tilsette.

To nye smittetilfelle i barnehage - sørafrikansk variant på Nore Neset
Koronaviruset. (Foto: FHI)
Kjetil Vasby Bruarøy
Kjetil Vasby Bruarøytirsdag 02. mars 2021 12:36

Då ein tilsett ved Flåten Naturbarnehage i går fekk påvist covid-19, blei barnehagen stengt.

35 born og 15 vaksne er i karantene.

No opplyser Bjørnafjorden kommune om tre nye smittetilfelle:

  • To ungar i barnehagen
  • Ein mann i 30-åra som er nærkontakt med den smitta tilsette

Som følgje av dei nye tilfella i barnehagen er karantenetida for dei andre barna og tilsette utvida til å gjelda til og med 10. mars.

– At nokre få er smitta, så nær folk er kvarandre i ein barnehage, er som venta. At vi foreløpig ikkje har fleire smitta, er eit godt teikn, seier kommuneoverlege Jonas Nordvik Dale til Midtsiden.

Sørafrikansk variant - men lite spreiing

I tillegg var det i går ein smitta nærkontakt av den smitta familien som førte til karantene på elevar ved Nore Neset ungdomsskule.

Den nye smitta er ein mann i 50-åra, som alstå ikkje er i tilknyting til skulen, men nærkontakt av familien med smitta elev.

– På Nore Neset har vi berre éin smitta ungdom og to smitta vaksne etter det første tilfellet. Det betyr at rutinane på Nore Neset ungdomsskule fungerer godt.

– Har de fått svar på om viruset mutert?

– Ja. Minst eitt av smittetilfella på Nore Neset er sørafrikansk versjon av koronaviruset.

– Dette er meir smittsamt enn andre, noko som forskerkar inntrykket mitt om at smittevernrutinane har vore gode på skulen.

Dei 68 elevane og 9 tilsette som er i karantene må testa seg ut av karanene. Dei blir testa i morgon og er ute av karantene om dei torsdag får negativt svar.

Datoane for dei smitta i Bjørnafjorden til no

Til no i 2021: 31
Totalt smitta: 134
2. mars: Mann i 30-åra, nærkontakt med smitta kvinne konstatert 1. mars
2. mars: To barn frå Flåten Naturbarnehage
1. mars: Kvinne i 30-åra, tilsett i barnehage.
1. mars: Mann i 50-åra. Nærkontakt av smitta elev ved NN uskule.
26. februar: Elev på 9. trinn ved Nore Neset uskule.
25. februar: Ungdom i slutten av tenåra, elev ved skule i Bergen.
25. februar: Kvinne i 40-åra frå same husstand som eleven frå Nore Neset.
25. februar: Elev på 9. trinn ved Nore Neset ungdomsskule. 77 i karantene.
24. februar: Kvinne i 20-åra, truleg smitta i ein nabokommune.
23. februar: Mann i 40-åra, testa i samband med innreise til Noreg.
23. februar: Mann i 20-åra, testa i samband med innreise til Noreg.
8. februar: Jente som er elev ved Os vgs. Smitta av kontakt i Bergen.
8. februar: Kvinne i 20-åra. Smitteveg ukjent.
12. januar. Mann i 40-åra, smitta av nærkontakt mens han var i karantene.
8. januar: Par i 20-åra og son på 4 år. Testa i samband med innreise.
5. januar: Kvinne i 30-åra. Testa i samband med innreise til Noreg.
5. januar: Mann i 30-åra. Testa i samband med innreise til Noreg.
5. januar: Mann i 50-åra. Testa i samband med innreise til Noreg.
4. januar: Åtte nye smitta, frå 5 år til i 60-åra. Høgaste tal på éin dag til no.
3. januar: Kvinne i 30-åra og hennar 1 år gamle born. Smitta av nærkontakt.

2020 haust (10. august til 31. desember): 89 smittetilfelle
2020 vår (11. mars til 14. april): 15 smittetilfelle

Totalt i 2020: 104 Sjå liste over alle

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.