Nyt finvêret!
Osingane gjer klokt i å nyta sola og sommaren med yrande liv på og ved fjorden. Til veka blir det kaldare att.

To dagar med sol og temperaturar på rundt 25 varmegradar gjer godt på vinterkalde os-kroppar. Mange har funne vegen til Mobergsvikjo, gjestehamna og ut på fjorden.
Sesongens første bad har det nok òg blitt på mange i løpet av pinsen.
– Det er jo litt kaldt, men vi må jo bade, smiler Kristian og Espen i det dei hiv seg ut frå stupebrettet ved Oseana.
– Kva trur de temperaturen er i vatnet då?
– Nei, veit ikkje kanskje 8-10 gradar, svarar dei to barskingane.
Dei er nok ikkje så langt unna. I følgje ein Midtsiden-lesar var det 13 gradar i vatnet ute på Bjørnefjorden laurdag.
Noko meir skyar
Måndag, 2. pinsedag, held det fram med brukbart fint vêr. Meterologane spår temperaturar på 12-17 grader og lettskya. Finast frå morgonen og fare for nokre dråpar utover kvelden.
Frå tysdag kjem diverre regnet att og temperaturen fell til rundt 10 gradar.