Nyter dei varme dagane!
Sommaren kom brått på osingane i år, men ikkje bråare enn at fleire slepper det dei har i nevane og stikk til sjøen.
Bildeserie:
Etter at sola titta fram i helga har det vore samanhengande gult og varmt på vêrkartet for Vestlandet.
Det har fleire hatt glede av denne veka, i Vikjo var det i kveld som ein god julidag, med folk som solte seg og leika med ball på graset, medan gravemaskina gjekk for fullt i den eine enden av fjøra – og unge, spreke jenter på stupebrettet og bra med båtliv i hamna.
Storm.no, som den siste tida har vist seg å treffa best med vêrvarselet for Osøyro, melder opphaldsvêr så langt varselet går, og skyfritt til og med onsdag 30. mai.
Temperaturen skal ligga på rundt 22 gradar på dagtid til og med søndag 27. mai, gå ned til 19 gradar måndag og 14 på onsdag.
Vindstyrken skal halda seg på 3-4 m/s.