Nytt køyremønster i Os sentrum?
– Eg våga ikkje å køyra andre stadar enn rett mot rundkøyringa.
Fredag ettermiddag har minst éin bilist gått på noko som viste seg å vera ein finte.
– Eg køyrde mot sentrum frå apoteket, og måtte ut Torggata til rundkøyringa, fortel ein Midtsiden-tipsar.
– Er det nokon som har tulla, eller er det nytt køyremønster på Øyro igjen?
Teknisk vakt i Bjørnafjorden kommune, einingsleiar Agnete Haugland, kjente ikkje til den nye retningen på skiltet.
– Viss det hadde vore endringar, så hadde eg visst det. Det krev søknad til vegvesenet, seier Haugland.
Skiltet står laust, og er no snudd tilbake.
Delar av vegen Øyro i Os sentrum har vore einvegskøyrd i rundt to år, frå apotekt til Bakketeig.
Men regelen om einvegskøyring sluttar der, og den snur ikkje ved Havnechefen.
