Nytt selskap overtar
To av ferjesambanda i Os går til ny drivar frå 2011.


FosenNamsos Sjø AS får kontrakten med Statens vegvesen om drift av fire ferjesamband i Hordaland.
Ved tilbodsopning blei det i alt levert inn seks tilbod med prisar frå rundt 453 til 620 millionar kroner.
Kontrakten går til selskapet FosenNamsos Sjø AS på bakgrunn av at dette er det økonomisk mest fordelaktige tilbodet på 453 millionar kroner, melder Statens vegvesen i ei pressemelding i dag.
Drifta gjeld for ferjesambanda:
Riksveg 546 Krokeide – Hufthamar, Riksveg 546/E39 Husavik – Sandvikvåg, Riksveg 49 Halhjem – Våge og Riksveg 552 Hatvik – Venjaneset.
Krokeide – Hufthamar og Husavik - Sandvikvåg Sambanda Krokeide – Hufthamar og Husavik – Sandvikvåg har ein driftsperiode på 6 år med oppstart 01.01.2011 til 31.12.2016.
Halhjem – Våge og Hatvik - Venjaneset Sambanda Halhjem – Våge og Hatvik – Venjaneset har ein driftsperiode på 8 år med oppstart frå 01.01.2011 til 31.12.2018.