Oljesøl i Skeisosen
Politi og brannvesen rykte i dag ut på melding om oljesøl under Strønebrua. Politiet er interessert i tips i saka.
Bildeserie:
- Dette er "blue shine", ein tynn film som er vanskeleg å reinska opp, seier varabrannsjef Arne Monsen.
Han har i dag fått melding både frå båtfolk og bilistar som har observert oljesølet frå brua. I to belte strekk sølet seg frå sør til nord, så langt du kan sjå frå brua.
- Det kan vera lite søl, men 1 liter diesel forureiner 100.000 liter vatn. Dette sølet kan vi ikkje gjera noko med, bortsett frå å melda frå til Bergen havnevesen, seier Monsen.
- Meld ifrå!
Politiet var også på Strønebrua for å sjekka ut oljesølet i dag. Etterpå kjørte dei ned til verkstadane i området, for å høyra om dei veit kvar sølet stammar frå.
- Ingen kjente noko til sølet, seier politibetjent Christine Grindstein.
- Men om nokon har tips i saka er vi interessert. Det er viktig at dei som er uheldig med søl melder frå så raskt som mogleg, legg ho til.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.