Ønsker hjartestartar

I politisk kvarter under formannskapet tysdag tok Kristin E. Haukeland (Ap) til ordet for at ein burde skaffa ein hjartestartar til Luranetunet.

- Det er mykje folk som er innom der både på vitjing og for å nytta til dømes bassenget.

- Taxibua, kommunetorget og andre stader i bygda har hjartestartar, burde ikkje også Luranetunet ha ein, undra Haukeland.

Ho fekk full tilslutning frå dei andre medlemmane i formannskapet om at det burde det.

- Administrasjonen kan kanskje ta kontakt med dei velgjerarane som allereie har bidrege med hjartestartarar andre stader i bygda og høyre om moglegheiten for å få ein utplassert på Luranetunet òg, foreslo ordførar Terje Søviknes (Frp).

- Uansett om det blir med hjelp av gode vener eller via dei ordinære budsjetta. Ein hjartestartar skal vi få på plass, lova helsesjef Nils-Petter Borge.

Men kor finnast dei frå før?

Marie Bruarøy (H) fortalte at dei på Vedholmen fekk ein i fjor sommar.

- Kanskje det hadde vore ein idè om kommunen hadde ei oversikt over kor i bygda det finns slike, foreslo varaordføraren.

- Dei kunne gjerna utarbeida eit kart der hjartestartarane var teikna inn, supplerte Lars Atle Skorpen (Ap).

For å gjera jobben til kommunen enklare kjem Midtsiden her med oversikta vi laga i fjor sommar då Vedholmen fekk sin. Veit du om fleire plassar det finnst tek vi gjerne i mot tips slik at lista blir så utfyllande som mogleg. Send tilbakemeldinga til andris@midtsiden.no, så skal vi samstundes sørgje for at kommunen får oppdateringa.

• Abo Plan & Arkitektur
• AMFI Os
• Askeladden
• Bjørnefjorden Golfklubb
• Klubbhuset på Kuventræ
• Kongshaug Musikkgymnas
• Legekontor (fleire)
• LHL Os
• Museet Lysøen
• Nore Neset Aktivitetshus
• Os brannvesen, på to av bilene
• Os Gymnas
• Os legevakt
• Os Manuellterapi & Fysioterapi
• Os Pensjonistsenter (tidl. Os eldresenter)
• Os Rådhus
• Os Taxi
• Osbadet
• Oseana
• Osbuss, i seks av bussane
• Sprek og Blid Os
• Søre Neset idrettslag (klubbhus, Bjørnen)
• Søre Neset skule
• Privatmegleren
• Ravneberghaugen rehabiliteringssenter
• Rema 1000 Kuven Stasjon
• Rema 1000 Os
• Rolls-Royce Hagavik
• Ulven leir
• Vedholmen Landhandel (Bunnpris/Søre Øyane)