Ønskjer å regulera bustadfelt på Valle

Bildeserie:

1 av 1

Neste veke skal Plan- og bygningsutvalet ta stilling til om dei skal godkjenna at ein reguleringsplan for eit område på Valle blir lagt ut til offentleg ettersyn.

Planen omfattar 13 bueiningar med småhusbusetnad og 5 einebustadtomter.

Administrasjonen rår politikarane frå å godkjenne utlegginga då dei meiner at planframlegget ikkje i tilstrekkeleg grad synleggjer at god bukvalitet er sikra.

– Sikring av bukvalitet har vore eit sentralt tema undervegs i prosessen. Det er pr. i dag ikkje konkrete utbyggingsplanar for eigedomen, og grunneigar ønskjer difor ikkje å detaljere planen i særleg grad. Plassering av bustader er vist i ein illustrasjonsplan med tilhøyrande 3D teikningar. Planen vart laga etter ønskje frå administrasjonen, for å synleggjere om planframlegget sikrar god bukvalitet i planområdet, skriv administrasjonen til politikarane.

Skil seg for mykje ut

Dei framlagte illustrasjonane bryt såpass mykje med kringliggande bustader at administrasjonen også av den grunn ikkje vil rå at planen blir lagt ut.

– Planavdelinga vil ikkje tilrå godkjenning av den bustadstrukturen som er føreslått i planframlegget, med omsyn til både visuelle og funksjonelle kvaliteter. Visuelt skil føreslått utbyggingsmønster seg frå eksisterande bygde omgjevnader i stor grad. Den repeterande strukturen i bustadene samsvarar ikkje med dei bygde omgjevnadene på staden og vil føre til eit fragmentert landskapsbilde i området.

Planframstillars grunngjeving for val av form, volum og strukturering av bustadar i er i følgje saksutgreiinga sikring av gode soltilhøve.

Tiltakshavar er kjend med administrasjonen sine innvendingar, men ønskjer likevel å få saka lagt fram for politisk handsaming.