Ope symjestemne
Laurdag inviterar symjeklubben til ope meisterskap i Osbadet.

Då symjeklubben og Osbadet arrangerte Osmeisterskap i mai opplevde dei ei litt lågare deltaking enn dei hadde håpa på.
- Vêret var godt, og det skjedde så mykje anna spennande i bygda at folk ville nok ikkje innendørs, fortalte leiar i Osbadet Leif Gunnar Borgen då.
Symjeklubben og Osbadet vurderte då å flytta Osmeisterskapet til hausten for å unngå varme og travle vårdagar.
Fire klassar
Laurdag freister dei med nytt meisterskap og håper på ei større oppslutning også frå dei som ikkje er medlemmar i symjeklubben.
Dørene opnast klokka 13.30 med stemnestart klokka 15. Øvelsane blir 25 meter fri for dei som er fødd i 2003 og tidlegare, 50 meter fri for dei fødd i 2002-2000 og 100 meter fri for dei som er fødd i 1999-1990. Seniorane skal òg få freista seg i konkurransebassenget med 50 meter fri.
For dei to mellomste klassane blir det òg ryggsymjing med 50 meter for dei fødd mellom 2002-2000 og 100 meter for dei fødd på 90-talet.
- Det blir ein startkontingent på 25 kroner per distanse, skriv symjeklubben på heimesida si. Påmelding kan gjerast frå klokka 13.30.