Open dag i ny klubb

Responsen har vore veldig god etter at ei foreldregruppe fortalte om planane om å starta ungdomsklubb på Nore Neset.

– Vi er sju personar som sit i ei slags styringsgruppe. Til saman har vi 20 vaksne frivillige, men vi treng fleire, seier Jan Kristian Rokne.

Frå i morgon skal nemleg klubben, som rettar seg mot dei i ungdomsskulealder, ha open to kveldar i veka.

– Dess fleire vi blir dess lettare blir det å setja opp ein fin turnus på dette, seier Rokne.

Playstation og brettspel

Ungdomsklubben kjem til å bruka både fellesareal på skulen og eit lokale i Nore Neset Aktivitetshus til klubbkveldane.

– Den siste fredagen i månaden er det aktivitetskveld for yngre i hallen, så då er det greit om ungdomane er på ein plass for seg sjølv.

– På sikt håper vi å få bruka den nye ungdomsskulen.

Klubben kan by på både airhockey, playstation, brettspel og biljard, og blir gratis å besøka.

Tysdag kveld er det ope hus og første klubbkveld.

Les òg: Startar ungdomsklubb