Opningsfesten startar 17. juni
Oseana skal stå ferdig våren 2011. Fredag 17. til sundag 26. juni blir det opningsfestival.
I starten av november fortalte byggekomiteen i Oseana at det nye kunst- og kultursenteret ikkje kjem til å opna 29. april som planlagt. Oseana skal stå ferdig i månadsskiftet april-mai, men opningsfesten blei utsett.
I dag går styret i driftsselskapet Oseana KF ut med dato for opninga og opningsfestivalen.
Styret har vedtatt at opninga skal markerast med ein 10-dagars opningsfestival i perioden fredag 17.til sundag 26. juni neste år.
- Målsettinga for opningsfestivalen er at flest mogleg osingar og tilreisande frå regionen skal få oppleva kva Oseana har å by på som kulturarena. Senteret skal fyllast av ulike aktivitetar og kulturuttrykk frå morgon til kveld i denne perioden, seier direktør Kim Kristoffersen i ei pressemeling.
Oseana skal presentera kunst og kultur på ein ny og annleis måte. I kombinasjon med natur-, friluftsliv- og matopplevingar skal Oseana skapa ei verd av inspirasjon i det vestlandske fjord- og fjellandskapet.
- Denne visjonen vil også prega opningsfestivalen. Oseana KF vil seinare lansera programmet for festivalen, men vi vil allereie no løfta fram to sentrale element;
• Havfest – denne nyskrivne operaen frå Opera Omnia med ei av vår tids store utfordringar, - klimautfordringa, blir hovudsatsinga i opningsfestivalen.
• Osøren Blues og Jazzfestival tar frå 2011 Oseana i bruk som sin hovudbase. Festivalen startar i løpet av opningsfestivalen.
Den nyskrivne operaen Havfest blir hovudattraksjonen under opningsveka, og vil co-produserast av Oseana. HavFest er ei frodig musikkforteljing som på eventyrleg vis tar opp miljøspørsmål samstundes som den fortel ei dramatisk historie om kjærleik og svik.
- Oseana KF kan lova eit tettpakka program for opningsfestivalen. Amatørar og profesjonelle artistar skal stå side om side, og saman med publikum skapa den store Oseanafesten i juni 2011, seier Kristoffersen.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.