Kultur | 12. mars 2013

– Oppnår alltid kontakt

Fredag kjem internasjonalt anerkjende Lisa Williams til Oseana. - Sjølv om vi snakkar med dei som har gått bort blir det mykje latter og glede, seier Williams.

– Oppnår alltid kontakt
Mediet Lisa Williams kjem til Os førstkommande fredag (pressefoto)
Andris Hamretysdag 12. mars 2013 16:31

Engelske Lisa Williams er kjend frå fleire TV- og radioprogram, kor ho formidlar kontakt mellom folk som har gått bort og deira levande slektningar. Fredag førstkomande besøker ho Os med showet "Message from Beyond".

- Eg gler meg veldig. Det å besøka nye plassar er utruleg kjekt, seier Lisa Williams på telefon frå Stavanger, der ho førebur det femte showet på den 11 dagar lange Noregs-turneen.

Ho fortel at mottakinga så langt har vore veldig god, med fulle hus på alle dei fire første plassane.

Sorg, latter og glede

Lisa Williams er truleg verdas mest kjende medium og besøker no Noreg for tredje gong.

- Det er mange i salen som verkeleg ønskjer å få kontakt med sine avdøydde.

- Sjølv om døden kan vera trist, er showet også prega av mykje latter og glede. Mange av dei frå den andre sida som snakkar til meg, ønskjer å formidle glede til dei etterlatte som sit i salen, forklarar Williams.

- Korleis foregår det eigentleg. Er det folk i salen som ber deg kontakta sine, eller går det motsett veg?

- Det er ei spirituell hending kor dei på den andre sida kontaktar meg og leiar meg i retning av deira slektningar.

- Ofte fortel dei små historiar og har gjerne eit bodskap dei ønskjer å formidla til dei etterlatte.

Føler nærveret deira

Willams fortel at ho ofte føler nærveret frå dei døde i kontakt med publikum.

- Det er som eg ser dei står bak publikummaren og snakker til dei gjennom meg.

- Har det nokon gong hendt at du ikkje har klart å oppretta kontakt?

- Nei, det har eg heldigvis ikkje aldri opplevd, påstår Williams.

Nordmenn meir spirituelle

Williams reiser verda rundt med showet sit. Frå Os og Noreg går turen vidare til Canada og Vancouver.

- Korleis er det norske publikummet samanlikna med for eksempel amerikanarane?

- Nordmenn er mykje meir spirituelle enn i mange andre land.

- I tillegg er dei mykje rolegare enn amerikanerane.

- Amerikanarane gjer mykje ut av seg og er entusiastiske og høglytte. Som engelsk føretrekk eg nok den norske veremåten framfor den amerikanske, seier Williams.

Språk ikkje noko problem

Showet til Williams går føre seg på engelsk, noko ein kanskje kunne by på utfordringar når ein besøker norske stadar.

- Nordmenn snakkar så godt engelsk at det ikkje er eit problem.

- Eg har vel berre vore borti eit par tilfelle kor publikummaren ikkje har snakka engelsk, men då har det alltid vore noko som har kunne hjelpa.

- Og språket dei "frå den andre sida" kontaktar meg på er det ikkje noko problem å forstå, avsluttar Lisa Williams.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.