Os blir vertsskap for brettspel-NM til helga

Førstkomande helg, laurdag og søndag, NM i brettspel i Oseana.

NM i brettspel blir arrangert kvart år, men for første gong skal det no arrangerast NM i lag eller klubblag. Seks lag kjem til Os, kvart av laga med fem spelarar.

– Vi trudde eigentleg at Oseana ville vera for dyrt. Vi blei positivt overraska då vi oppdaga at det var det jo ikkje, dei kunne tilby både lokale og matservering innafor våre budsjettrammer, seier Ole Jacob N. Thomassen frå Osøyro Brettspelarlaug.

NM i brettspel har tidlegare blitt arrangert i Kløvertun, men grunna koronarestriksjonar trengte dei større lokale.

Laga kjem frå Austlandet, Sørlandet, Rogaland og Vestland. Os og Geilo stiller med eigne lag.

Oseana på si side, synes det er stas med eit slikt arrangement.

– Vi synest dette er kjempegøy! Dette er annleis og nytt for oss, og det er eit artig konsept som passar godt inn i husets profil, der vi skal vere opne og inkluderande, seier arrangementsjef i Oseana, Berit Steen.

The Ninth Age

Det skal kjempast fem kampar i løpet av dei to dagane.

Kvar kamp vil vara i 3,5 time, og spelet som skal vinnast heiter «The Ninth Age». Spelet er ei vidareutvikling av det eldre spelet «Warhammer».

«The Ninth Age» blir spelt i både innland og utland, det blir årleg arrangert EM og VM, og det har vore 1-2 spelarar med frå Os på landslaget dei siste åra.

Arrangementet I Oseana er ope for publikum.