Os kommune får grønt lys i ny kommuneoversikt

Det er BT.no som melder dette. Dei syner til ei sak i Aftenposten kor det kjem fram at éin av seks kommunar i Noreg får raudt lys.

Barne- og likestillingsdepartementets nye trafikklys-system måler alle landets kommunar på tre ulike område:

• Krav om uavhengig tilsyn av fosterheim

• Krav om barnevernets eiga oppfølging og kontroll av fosterheim

• Brudd på tidsfrista i undersøkelsessaker

Kommunane vert målte på om dei innfrir krava på desse tre områda, og kor store avvika er frå å oppfylla dei.

75 kommunar (17 prosent) fekk raudt lys, og har betydelege og vedvarande avvik skriv BT.no.

158 kommunar (36 prosent) fekk gult lys, og har mindre omfattande avvik, alternativt positiv utikling det siste året.

207 kommunar (47 prosent) fekk grønt lys og har ingen eller få avvik.

Er fargen raud er det «betydeleg risiko» for at lovpålagde krav til barnevernet ikkje vert oppfylt.

Barne- og likestillingsminister, Linda Hofstad Helleland (H) seier i ein kommentar til Aftenposten at desse tala kan vi ikkje godta, og at det ikkje skal vera attraktivt for ordførarar og rådmenn å stå på lista til dei 77 kommunane som får raudt lys.

Os kommune får grønt lys - Fusa gult

Leiar i barnevernstenesta i Os, Linda Hevrøy seier i ein kommmentar til Midtsiden at dette er gledeleg nytt;

– Dette syner at Os kommune si satsing på barnevern fungerer. Barnevernstenesta i Os kommune har stabile og kompetente medarbeidarar som gjer ein formidabel innsats for utsette barn og unge i kommunen.

Hevrøy fortel at det har blitt jobba systematisk med tenestetilbodet over tid, og dette ser ein no resultatet av.

– Det er òg viktig at vi frametter følgjer med på folkeveksten slik at vi saman byggjer ei ny og robust barnevernsteneste for Bjørnafjorden kommune frå 2020, avsluttar Hevrøy.

Les og: Barnevernet i samla i Os samla i nytt lokale.