– Os må ta ei rolle

Os kommune og Europan er i ferd med å skal utarbeida konkurransegrunnlaget for arkitektkonkurransa kor unge arkitektar frå heile Europa skal få "leika" seg med indrefiléten i Os - tomta ved hamna.

Tysdag inviterte dei difor til folkemøte for å få innspel. Diverre var det ikkje meir enn eit tredvetals tilhøyrarar, dei fleste frå arkitektbransjen, grunneigarar i sentrum og dei politiske miljøa.

– Os er ein av fem deltakarar i konkurransa. Dei fire andre er Bergen, Stavanger, Trondheim og Ørsta.

– Europan er verdas største arkitektkonkurranse, kor vi inviterar unge arkitektar under 40 til å delta, forklarte Øystein Rø frå Europan-sekretariatet.

Matchmaking

Bak organisasjonen står eit samla arkitektmiljø i Noreg og Europa forøvrig. Omlag 2500 team og 50-60 kommuner var med i førre konkurranse.

– Målet med konkurransen er å matche unge arkitekter med kommunane og på den måten vera ein brubyggjar.

– På mange måter er dette eit laboratorium for unge arkitektar.

– Årets oppgåve heiter «Adaptable City», kor det for Os handlar om evnen til å tilpassa seg veksten ein trur kjem.

Konkurransegrunnlaget ein no utarbeider skal bli lansert i sluten av februar, med frist for levering i juni. Ein internasjonal jury vil vurdera forslaga neste haust før ein offentleggjering av vinnaren blir gjort i desember 2015.

– Ta ei rolle

Rune Fanastøen Tuft frå Asplan Viak var invitert til å seie litt om sine tanker omkring utviklinga av tomta sett i lys av stads- og moglegheitsanalysen selskapet leverte i januar. i tillegg brakte Fanastøen Tuft med seg erfaringar frå det å vera tomteeigar i Europan.

– Europan blir gøy.

– Eg var sjølv prosjektleiar for C-feltet i Åsane under Europan 8.

– Vi fekk ni innspel, men mitt inntrykk er at du som tomteeigar har liten innverknad på juryeringa.

– Os har ein handels- og stadshistorie. Det er difor viktig at kommunen tek ei rolle og ikkje berre får ein rolle.

– Det er avgjerande for eit godt resultat, råda Fanastølen Tuft.