Os og Fusa sa ja

Det blei ei rekordrask handsaming av intensjonsavtalen i Os.

– Er det nokon som ønskjer ordet, undra ordførar Terje Søviknes (Frp) etter å ha fortald at ein framleis held på med handsaminga i Fusa etter ei innleiing frå fylkesmann Lars Sponheim.

– Køyr på, sa Glen Erik Haugland (V) til latter frå salen.

Eit samrøysta kommunestyret sa deretter utan debatt, ja til å køyre prosessen vidare for å høyre kva osingane meiner om å slå seg saman med Fusa.

Kommunestyret tok rett nok inn eit nytt punkt kor dei sa ja om ei av dei andre kommunene (les Fusa) gjorde det, men at prosessen også i Os vil stoppa opp om Fusa seier nei.

Oppdatert:

Litt etter klokka 20 er det klart at også Fusa kommunestyret seier ja til å høyre folket si meining før ei eventuell samanslåing med Os.

I innleiinga av møtet hadde kommunestyret vitjing av fylkesmann Lars Sponheim og rådgjevar Ole Bakkebø frå fylkesmannen sitt kontor. Om det var dette som gjorde utslaget veit vi ikkje, men eit samrøysta kommunestyre i Fusa sa ja til intensjonsavtalen med nokre tilføyingar i vedtaket.