Sport | 30. apr. 2015

Os Rundt i strålande sol

Fredag 1. mai er det igjen klart for sykkelrittet Os Rundt.

Os Rundt i strålande sol
Målgang i 2014. (Arkivfoto: KVB)
Kjetil Vasby Bruarøy
Kjetil Vasby Bruarøytorsdag 30. apr. 2015 13:51

CK Henie arrangerer i morgon Os Rundt for 36. gang.

Start og mål er ved Os Gymnas. Alle turklassar startar i samla pulje klokka 10:00.

Det er meldt lettskya og fint vêr i Os i morgon. Med vind på 8 m/s frå nord har deltakarane vinden rett imot over Ulvensletta, men i ryggen store delar av turen frå Kalandseid til målgang i Os.

Kort og lang løype

Os Rundt har flest aktive ryttarar, men er godt tilrettelagt for familiar og mosjonistar, med ei kort løype som tilsvarar Ulvenmarsjen i lengde.

Rittet startar for alle ned til Os sentrum, opp til Moberg og om Skeie.

Mens dei som syklar full løype (43 km) må over Fanafjellet og Hamre før dei returenerer til Os kan du også sykla kort løype frå Ulvensletta og ned igjen til Os Gymnas (15 km).

I fjor hadde Os Rundt rett under 140 deltakarar, mot 195 i rekordåret 2012. 123 av dei som deltok i 2014 sykla den lange løypa, 12 sykla den korte.

Nær løyperekord i fjor

Svein Ivar Reiso vann Os Rundt på sterke 1.01,24 i fjor. Ørjan Nordtveit frå Fusa sin rekord på 1.01,04 fra 2012 blei ståande.

Beste frå CK Henie var Samund Nordang, som kom i mål på 1.04,07, knappe tre minutt bak vinneren og godt nok til 19. plass.

Lars Erlend Brattabø var raskaste osing med tida 1.02,32.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.