Steffen Kvamsdal i aksjon mot Fyllingsdalen i fjor. Då hadde Os overtaket. (Foto: KVB)
Steffen Kvamsdal i aksjon mot Fyllingsdalen i fjor. Då hadde Os overtaket. (Foto: KVB)

Os testa ny spelar, men tapte for Fyllingsdalen

I fjor var Os best, i gårsdagens treningskamp tok Fyllingsdalen ein komfortabel siger.

Kjetil Vasby Bruarøy
06. februar 2020 - 8:56

Etter ein god 1-2-siger borte over Fana i helga, spelte Os treningskamp borte mot Fyllingsdalen onsdag.

Det gjekk ikkje like bra.

– Dei var betre enn oss og vann fortent. Vi mangla struktur og klate heller ikkje å flytta beina raskt nok, seier Os-trenar Endre Brenne.

Fyllingsdalen-Os 3-0 (2-0)

– Vi lykkast mot Fana, men no fekk vi oss ei lita oppvaking. Det må jobbast om du skal vinna fotballkampar, seier Brenne.

Testa spelar frå Kroatia

Han fekk testa ein spelar frå Kroatia i kampen; Mateo Topic.

Ifølgje Transfermarkt.com er han 1,88 m høg og fyller 24 år i april. Topic gjekk i fjor frå NK Vinogradar til NK Novigrad på tredje øvste nivå i Kroatia.

– Topic blir ikkje med oss vidare, stadfestar Brenne.

Brukte 16 spelarar

I serien i fjor spelte Os 3-3 heime, etter å ha leia fortent. Borte blei det 0-2-siger.

Os starta med: Kasper Færøvik - Anders Havsgård, Torgeir Lunde, Vegard Strønen Skeie, Harry James Moore - Rune Mo, Steffen Kvamsdal, Mateo Topic - Thomas Spilde - Stian Dyngeland og Sander Kvittingen.

Innbytarar med speletid: Tobias Nøss, Espen Haraldseid, Roger Ekeland, Elias Myrli, Lars Hadler-Olsen og Thomas Færøvik. 

Os speler neste treningskamp borte mot Vard Haugesund laurdag om 10 dagar.

Les meir om

Fotball Os herre