Oseana stenger i over to veker

Då regjeringa i går la fram nye anbefalingar og krav, såg det ut som om Oseana kunne halda fram som før, med inntil 200 gjestar.

Men då Bjørnafjorden kommune, saman med Bergen og seks andre omliggande kommunar, i dag la fram nye forskrifter, inkluderer desse eit makstal på 20 personar, uavhengig av om det er offentleg lokale er profesjonell aarrangør.

Det fører til at Oseana stenger for publikum.

– Det er med tungt hjarte at stenger både Oseana kunst- og kultursenter og Oseana kafé og restaurant, seier Veronica S. Halhjem.

Oseana stenger fredag ved midnatt og fram til og med måndag 23. november. Alle arrangement i denne perioden blir avlyst.

Einaste unntak er kulturskulen, som driv vidare som vanleg.

– Alle som har kjøpt billett til dei berørte arrangementa vil bli kontakta av Oseana per epos, telefon eller tekstmelding.

Arrangement etter 23/11 går i utgangspunktet som planlagt.

Blant arrangementa som utgår er NM i brettspel, konsert med Bjørn Eidsvåg, Tilslørte Bondepiker og Vinskvetten, teater, foredrag, vinsmakekveld og yoga.

Konserten med Eidsvåg skulle vore streama. I staden sende Oseana reprise av konserten med Lindesnes Trekkspillklubb til helseinstitusjonar over heile landet.

Om alt går som planlagt etter 23. november står Sivert Høyem, Håvard Skaatun, Fonos, Helene Bøgsle, Latter Live og Vidar Johnsen for tur.