Osfest for dei små

Bildeserie:

1 av 10

Dei mange som tok turen til Oseana fekk oppleva litt av kvart på konserten "Stjerneteller". Christine Sandtorv og Stjernetellerbandet klarte å fenga borna med både musikk og ablegøyer frå scenen. Trommeslagaren var kjapp i replikken og fekk publikum til å le gong på gong.

– Det er ikkje berre enkelt å vera i band med desse gutane, fortalte Sandtorv om dei tøysete og litt uregjerlege kollegaene.

Publikum fekk høyra songar om bergenske uttrykk som "å belite seg" og den skumle delen av konserten var ein song om lodotten.

Les intervju med Christine Sandtorv før konserten i Oseana her.

Lokale stjerner

Sandtorv og bandet hadde fått med seg eit lokalt barnekor samla saman av Stine Kobbeltvedt. Dei rundt 30 borna var med på fleire av songane og nokre av borna fekk prøva seg som solistar.

Også fleire unge publikummarar fekk bli med på scenen i løpet av konserten. Det blei satt saman eit såpebobleorkester og eggdelar-band og det mangla ikkje på frivillige som ville bli med på scenen.

Mot slutten blei det bokstaveleg talt kaos i Oseana då bandet og koret framførte songen "Kaos" og dei fekk laga så mykje bråk (og kaos) som dei ville.

Sjå bilde frå konserten øverst i saken.