Osing i 193 km/t

I kjærasten sin audi gjekk det fort gjennom Lærdalstunnelen. No må 19-åringen i fengsel.

Av: Kjetil Vasby Bruarøy

I januar i år blei ein 19 år gamal gut frå Os målt til 193 km/t i Lærdalstunnelen.  Det var ein fotoboks som fanga ungdomen med kjærasten som passasjer denne fredagskvelden.

- Det er enkelt og greitt livsfarleg å køyre i slik fart, seier politiadvokat Tor Teige til NRK.no.

Nordhordland tingrett har dømt guten til 60 dagar fengsel og 3,5 år utan førarkort.

Sjølv skal den unge sjåføren ha sagt at han ikkje såg på speedometeret, men at han hadde ei aning om kor fort det gjekk då det blinka i fotoboksen.

Tips midtsiden.no

Kjetil Vasby Bruarøy + 47 90 78 92 70
Andris Hamre +47 47 90 61 11