Osing tatt på Tysnes

Ein båtførar frå Os hadde drukke minst dobbelt så mykje som han burde før han la frå land.

Kjetil Vasby Bruarøylørdag 10. juli 2010 09:27

Det har vore ei roleg natt til laurdag på Os. Bortsett frå ei trafikkulykke utan personskade ved Irisgården har politiet ingenting å melda.

Men mange osingar er desse dagane over fjorden for å vera med på Tysnesfest, og der har ikkje alt gått lovleg for seg.

Kystvakten har på oppdrag for politiet foretatt sjøkontroll i høve Tysnesfest fredag natt til lørdag.

- Ein person frå Os blei laurdag tatt med 1,6 i promille på blåseprøve og blir dermed meldt for brot på grensa for fritidsbåtar, som er 0,8, melder kapteinløytnant Roger Hoel.

- Båtfolket er elles flinke til å følgja reglane som gjeld, som bruk av flyteutstyr og lanterner, legg han til.

Kystvakten kjem til å halda fram med å kontrollera båttrafikken rundt Våge denne helga.