Osingar i talent-tropp
To Os-spelarar er tatt ut til Talent Hordaland, i tillegg får to 95/96-spelarar frå Os trena i Vestlandshallen i vinter.


Hordaland Fotballkrets og Løv-Ham Fotball samarbeider denne vinteren om spelarutviklingsprosjektet «Talent Hordaland».
Fredag 17. desember blei troppen publisert, og dei to Os-spelarane Erik Kanestrøm og Joachim Bjørnevik er blant talenta som er tatt ut.
Her er heile troppen
Erik og Joachim får éi treningsøkt i veka med apparatet til Løv-Ham, i Vestlandshallen, saman med andre talent frå Hordaland mellom 16 og 18 år.
Fredrik og Frode i 95/96-tropp
Også yngre spelarar får tilbod om å trena med hordalandstalent i Vestlandshallen denne vinteren. Ingen frå Os er tatt ut i 97-uttaket, men for gutar fødd i 1995 og 1996 stiller Os med to.
Her er heile uttaket
Fredrik Heggland og keeperen Frode Moberg Øvredal får delta på dei til saman 17 samlingane i vinter, den siste går 4. til 5. april.