Our name is ...
... ikkje Bond, men Kristiansen. Det blei stil og hestekrefter då brudeparet inviterte til fest i ekte James Bond-stil.
Bildeserie:
Førre helg feira Giske Færøy Kristiansen og Tommy Vaksinen Kristiansen at dei hadde funne kvarandre og gifta seg, saman med 106 gjestar i Nore Neset Aktivitetshus.
Det blei eit bryllaup litt utanom det vanlege.
- Du kan seie det blei svidd gummi, fortel Tommy med eit smil.
Fem råskinn til forlovarane
Kva får du om du tar ein Ferrari 360 Modena, ein Aston Martin DB9, ein BMW Z4, ein Mercedes AMG C-klasse og ein BMW 575?
Svært nøgde forlovarar og mange skodelystne bryllaupsgjestar.
- Giske og eg hadde fem forlovarar kvar som vi møtte på Solstrand før festen.
- Gjennom vener og kjende hadde vi fått låna desse kraftpluggane. Det var ein gjeng godt nøgde forlovarar vi sendte i forvegen ut til Nore Neset, slår brudgommen fast.
Kom med stil
Mindre nøgd var nok ikkje brura då ho fekk sjå skyssen dei sjølv skulle koma i.
- Jim Heldal flaug oss i helikopter frå Solstrand til Nore Neset.
- Det var ganske tøft å henga i ro over grasbanen då forloverane kom i bilane og parkerte nedanfor.
Inngangen til Symrasalen var dekt med raud løpar og døypt om til "Casino Royal". Inne venta gyldne pistolar og den eine veggen var dekt med Bridge of London.
- Vi måtte sjølvsagt servera dry martini, shaken, not stirred, før gjestane endra casinoen, avsluttar Tommy Vaksinen "Bond" Kristiansen.