På beite i Bjørnefjorden

Søndag var kameratane Sven Hermansen frå Os og Tor Åge Grødem frå Loddefjord på fisketur i Bjørnefjorden.

– Fangsten blei fin, med mykje torsk, lyr og pale, fortel Sven.

Men så kom nokre større dyr og stal showet.

– Vi var på veg heim og nærma oss Bjørnetrynet då vi la merke til ein stor måseflokken. Så såg vi finnene.

– Måsane er nok interessert i den same silda som spekkhoggarane jaktar på.

La seg etter båten

Sjølv om båten dei kjørte i berre er 16 fot og vêret var ruskete, kjørte Sven og Tor Åge nærmare dei større dyra.

– Først var vi rundt 100 meter frå dei, men då vi kjørte vidare la ein av spekkhoggarane seg etter oss. På det nærmaste var den berre rundt 20 meter frå båten.

Kvalane var 500-600 meter frå Bjørnetrynet og hadde retning frå Fusa og ut fjorden.

1. april - igjen

– Det var ei flott og spennande oppleving. Det såg ut som om det var 6-7 dyr i flokken. Nokre av dei var såpass oppav at vi såg dei kvite flekkane som kjenneteikner spekkhoggaren, seier Sven Hermansen.

Det blei også observert spekkhoggarar i Bjørnefjorden 1. april i 2010, 16. mars 2010, 6. mars 2011 og 9. juli 2011.