På innsio: Livet på brakkeriggen

I november i fjor blei «Ådnadalen hotell», brakkene som mannskapa på E39 Svegatjørn-Rådal, bur og et i løfta på plass på parkeringa framfor Reli Os.

270 mann

I riggene til Veidekke og Vassbakk & Stol bur det omlag 270 mann som jobbar på vegen til byen.

– Det er ei rullering, så alle er ikkje her samstundes. Vi går formiddagsskift, ettermiddagsskift eller har friveke, fortel Sven Almås, tillitsvald i Veidekke.

Meir sosialt før

Den erfarne anleggsarbeidaren som har jobba 34 år på anlegg fortel at det var meir sosialt på brakkene før.

– No er det kvar mann sin mobiltelefon eller nettbrett, så det var nok meir sosialt før då vi måtte på fellesrommet for å lesa aviser og slikt.

Kake og dessert kvar dag

Kokk Hege Hesthammer si oppgåve er å ta godt vare på arbeiderane.

– Guttane har det bra her, smiler Hesthammer som kvar dag sørger for at dei får både kake og dessert til middagen.

Sjå òg Midtsiden si samleside om E39 Svegatjørn-Rådal