På kveldscruising 4. juli
– Det er veldig kjekt når vi treff folk med flagg langs ruta.
Os Amcar Club har invitert medlemmar og andre klubbar til cruising i Os 4. juli.
Årets amerikanske uavhengighetsdag er på ein måndag.
– Det er ikkje alle som har gått på ferie enno, så det blir eit kveldscruise. Derfor rekk vi heller ikkje innom så mange krinsar som enkelte tidlegare cruisingar, fortel visepresident Trine Hjertholm.
Start og mål er som vanleg på Er-An Veikro på Røykenes.
– Vi synest det er veldig kjekt med publikum og stemning langs traseen, og det er fleire stadar ganske mange samlar seg, gjerne også med flagg.
Her er ruta:
19.30: Start på Er-An Veikro
ca 19.42: UnoX - Industrivegen
ca 19.52: Halhjem
ca 19.54: Halhjemsmarka
ca 20.06: Os sentrum
ca 20.14: UnoX - Industrivegen
ca 20.25: Er-An Veikro
– Vi køyrer inn Brugata i Os sentrum, og spurde om å få køyra motsett veg i einvegskøyrde delen av Øyro, for å koma ut ved Lundehjørnet.
– Sånn blir det ikkje. I staden blir det inn Brugata, opp Landboden og vidare gjennom Giskavollen til Byvegen.
