Sport | 02. mai 2011

På ny landslagssamling

Som einaste jente frå Hordaland er keepertalentet Eva Kristiansen teken ut til landslagssamling 10.-15. mai.

På ny landslagssamling
Andris Hamremåndag 02. mai 2011 22:09

Eva Kristiansen, som er fødd i 1995, blei måndag teken med i troppen landslagstrenarane Trine Haltvik og Pål Oldrup Jensen vil ha på juniorlandslagssamling (jenter-94) i Larvik.

- Det blei litt hæææ??? då eg fekk e-posten frå handballforbundet, fortel Eva.

Fekk ingen signal

Tysdag i førre veke var ho saman med keeperkollega Susann Rosvold på regional landslagssamling i Haukelandshallen.

- Eg fekk ingen signalar på den samlinga om at eg var aktuell. Men samstundes har dei sagt at dei som har vore med tidlegare vil få sjansen igjen.

Tvilar på EM-plass

Samlinga er ein del av førebuingane til sumarens Europameisterskap i Tsjekkia kor Noreg skal spele i innleiande gruppe med Spania, Nederland og Polen.

- Det er tre andre målvakter som alle har landskampar frå før som er teken ut, så om eg klarar å danka ut nokre av dei blir det ein stor overrasking, seier keepertalentet forsiktig.

- Men uansett skal bli utrulig gøy å få prøva seg.

Stor motivasjon

Den seks dagar lange samlinga gir rom for mykje trening i ei ellers stille tid for handballjenta frå Os.

- Det er utruleg motiverande å vera på samlingane. Der får eg heilt konkrete arbeidsoppgåver eg må jobba med gjennom samlinga og etter at eg kjem heim att, forklarar ungjenta.

- Og så får eg jo spela med dei beste jentene i 94- og 95-årgangen som fins i Noreg. Berre det er ein stor motivasjon, avsluttar Eva Kristiansen.

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.