Lokal | 29. mars 2013

På sjukehus etter velt

– Vegane i Os er forferdelege, seier ein mopedist som no ligg på Haukeland med gips på begge armane og ein fot.

På sjukehus etter velt
I enden av dette vegstrekket var det mannen velta. Den skadde mopeden innfelt. (Foto: KVB)
Kjetil Vasby Bruarøy
Kjetil Vasby Bruarøyfredag 29. mars 2013 09:30

Han har god trening i å kjøra slalåm mellom holene i vegen, men tysdag blei det velt.

– Han var på veg heim frå jobb då han i 22-tida gjekk på trynet mellom Grindavoll og Skorvane, fortel kona.

Mopedføraren, ein mann i 50-åra, blei liggande skadd i vegen. Nokre bilistar stoppa, men han kom seg på beina og fekk ringt kona, som kom og henta han.

Hol og hiv

– Mange av hovudvegane i Os har utruleg dårleg standard, og eg har inntrykk av at litt lapping er einaste vedlikehald.

Mopedisten fortel at holete veg kombinert med telehiv i kjørefeltet var årsaka til at han mista kontroll på skuteren.

Det er Statens vegvesen som har ansvar for vedlikehaldet på fylkesvegane.

– Dyrare med skade enn asfalt?

Turen gjekk vidare via legevakt på Os til Haukeland der det blei konstatert brot i eit handledd, ein tommel og ein ankel.

Mannen ligg med gips på begge armane og den eine foten og må truleg operera fleire av skadene.

– Tenk kva dette kostar samfunnet, med medisinsk hjelp og sjukemelding, i forhold til nokre meter med asfalt.

– Det er på tide vi får meir vedlikehald tilbake for avgiftene trafikkantane betalar.

Les òg: Fann pengar likevel (det var Hamlagrø og Hegglandsdalsvegen som sto på budsjettet i 2012)

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.