På ulovleg besøk

Ein mann med besøksforbod tok seg i natt inn til kvinna han ikkje har lov til å besøka.

Kjetil Vasby Bruarøyonsdag 07. juli 2010 08:01

I 1-tida natt til onsdag rykte politiet ut på melding om brot på besøksforbod.

- Ein mann i 30-åra besøkte ei kvinne i 30-åra som han ikkje har lov til å oppsøka, fortel politiførstebetjent Audun Hadler-Olsen.

Mannen er ein kjenning av politiet, og det er ikkje første gong han bryt besøksforbodet.

- Det var ingen dramatikk på staden, men vi plasserte mannen i arresten over natta så blir det opp til jurist kva vi gjer vidare med vedkomande.