Pågripen utan dramatikk

Onsdag litt før klokka 18.30 fekk Midtsiden tips om ambulanse og fleire politipatruljer på utrykking til Grindavoll.

Så flytta dei aksjonen til eit bustadområde ein annan stad på Nore Neset.

– Vi jobbar med å pågripa ein mann. Det kan ta litt tid, og eg ønskjer ikkje å gå ut med fleire opplysingar enno, sa operasjonsleiar Tatjana Knappen til Midtsiden.

Klokka 19.30 var vedkomande pågripen.

– Det er ein mann i 40-åra, sikta for trugslar. Han blei pågripen utan problem, det gjekk stille og roleg for seg, fortel fungerande lensmann Anne Lyssand.

Det heile starta med ei melding klokka 15.59.

– Kven er trugslane retta mot?

– Eg vil ikkje gå nærmare inn på det no, anna enn at det ikkje er snakk om familie- eller naboforhold.