Påkjørt i sentrum

Ein fotgjengar fekk i går eit ublidt møte med ein bil i Os sentrum.

- Vedkomande blei påkjørt av ein bil som streifa forbi. Han blei ikkje særleg skadd, men reagerer på at føraren ikkje stoppa, trass i at smellen var såpass at speglet slo seg inn til sida på bilen, fortel operasjonsleiar i Hordaland politidistrikt, Svein Lyssand.

Politiet fekk melding om samanstøyten klokka 12.45 onsdag.

- Vedkomande fekk tatt delar av registreringsnummeret og kontakta politiet for å melda saka. Om føraren av bilen les dette kan det nok vera lurt å melda seg.