Parkert for godt
Mann i 60-åra må 30 dagar i fengsel etter kjøring i rus. I tillegg mister han retten til å kjøra bil for alltid.


Ein fredag i juli i fjor blei ein mann i 60-åra tatt av politiet mistenkt for kjøring i rusa tilstand.
Mannen blei stoppa i eit bustadfelt på Søre Neset midt på dagen. Politiet rykte ut etter at bilen blei ståande fast med det eine hjulet utanfor vegen.
Blodprøva tatt ein halvtime seinare viste ein alkoholkonsentrasjon på 0,88 promille. I tillegg blei det avdekka bruk av tablettar i ei engde som saman med alkoholen tilsvarer minst 1,5 i promille.
Tiltalte, om også er tatt for promillekjøring tidlegare, møtte i retten og erklærte seg skyldig.
Nordhordland tingrett fann det skjerpande at kjøringa hadde funne stad i eit bustadområde midt på dagen, og at kjøringa hadde resultert i eit lite trafikkuhell.
Tiltalte blei dømt til 30 dagar fengsel, 40.000 kroner i bot, 1500 kroner i sakskostnadar og til å tola tap av førarretten for alltid.