Det blei full stopp mellom Vognhallen og Peppes Pizza nokre minutt midt på dagen i dag. (tips@midtsiden.no, foto: Maria Lind Olsen)

Partytelt blokkerte fylkesvegen

– Det blei litt kø inn mot Os sentrum.

Av: Kjetil Vasby Bruarøy

Onsdag låg eit stort partytelt og blokkerte fylkesveg 552 Mobergsbakken mellom Vognhallen og Peppes Pizza.

– Eg veit ikkje kor lenge det hadde lagt sånn, men kort tid etter bles det over i eitt køyrefelt, så eg kom meg opp Mobergsbakken, fortel Maria Lind Olsen til Midtsiden.

– Men det blei litt kø inn mot Os sentrum, legg ho til.

Også eit skilt hadde gått i bakken, sjølv om det ikkje har vore særleg kraftig vind i området.

Då Midtsiden kom til staden, litt over klokka 13, var teltet rydda vekk.

Vi har ikkje lykkast å nå Os Kulturutvikling, som driftar Vognhallen, og som nyleg har avslutta sommarens første av to skulptursymposium.

 

Fleire saker