Påskenøtt 4
Klarer du dagens nøtt? Kvar har vi vore på tur no?
Kvar dag gjennom påsken vil vi, for å feira Os Turlag sitt 30-årsjubileum og i samarbeid med Er-An Veikro, visa bilde frå eit turterreng i Os.
Ser du kvar bildet er tatt, eller vil du tippa?
Send forslaget ditt til tips@midtsiden.no
(For å vera med i konkurransen må du senda epost, det held IKKJE å kommentera på saka eller på Facebook.)
Vinn billettar til Elvis-show!
Alle som i løpet av påsken får minst tre rette svar er med i trekninga om to billettar til Elvis Show på Er-An Veikro laurdag 6. mai (verdi 2 x 300 kroner).
På showet er det offisiell opning av venterommet som er under bygging, avduking av ein stor Elvis-figur og konsert med Kjell Elvis, Twang Gang, Vossa Rebels og Jan Haaland med band (Nils Midtseter, Steinar Lyssand og Olav Skorpen).
Rett svar i går: Hellerisningane i Vargavågen
Den tredje påskenøtta var det mange som visste kor var, over femti sendte rett svar på tips@midtsiden.no.
Vi godkjenner både Varga, Vargavågen og det heilt presise Grødalshaug ved Vargavågen som rett svar.
Hugsar du forresten at hellerisningene i 2001 blei utsett for hærverk?