Påskeprat med Mats Cato

Mats Cato Moldskred, toppskårar for Os i 2018, fekk så vidt koma i gang med årets serie før påskeferien sto på trappa.

– Korleis blir påsken din i år; fjellet, båtpuss, hagestell eller i sofaen?

– Eg har ikkje heilt bestemt meg for kva eg gjer i påsken. Eg blir truleg heime, speler gitar og trener litt, svarte Mats Cato før påsken var i gang.

– Kor mange dagar har du stått på ski denne snøfattige vinteren?

– Veldig lite, berre to dagar.

– Har du nokre påsketradisjonar?

– Mamma og dei kjøpte hytte for nokre år sidan, så familien plar samlast der. Men eg blir nok som sagt heime i år.

– Om du skal anbefala ein tur i Os - kor går turen?

– Då blir det nok ein tur på Møsnuken.

– Kven fortener eit stort påskeegg?

– Chris Kytiri og Arild Havsgård!