Påtent moped laga grasbrann

I 4-tida natt til sundag rykte politi og brannvesen ut på melding om ein gras- og lyngbrann i Lekvenmarka.

– Det ser ut som brannen har starta med at ein moped har blitt påtent, for så å spreia seg til graset rundt.

– To personar skal ha blitt observert av vitne i nærleiken av brannen. Vi mistenker at det er desse som har starta brannen.

– Om det er andre vitne som har sett eller høyrt noko så ber vi dei kontakta politiet, seier politibetjent Kenneth Rastad.

Brannvesenet fekk raskt kontroll over brannen. Vitne kan kontakta politiet på 02800.