Pipebrann på Steinneset

Laurdag i 19-tida fekk Bjørnafjorden brann og redning melding om pipebrann, sesongens første, denne gong i nabolaget til avtroppa brannsjef Stein Gjøsund.

– Dei som bur i huset ringte eit fagkyndig familiemedlem, som tipsa dei om å stenga spjeld og varsla 110, fortel Walden.

Brannvesenet hadde blant anna lift med på utrykkinga. Varabrannsjefen kom sjølv nedom etter dei andre.

– Forbigåande skal ha sett gneistrar ut pipa, men eg trur ikkje liften var i bruk.

– Det heile gjekk fint. Det kom ikkje tøyk i huset, så dei kan bu der vidare. Vi trekte gjennom med feiekost, og skal tilbake på inspeksjon når pipa er kald. I mellomtida har dei fyringsforbod.

• Les òg: Kva er det verste som kan skje ved pipebrann?
• Les òg: Tips - sånn unngår du pipebrann