Politiet ber om tips: Kven lagde dette bedet?

Politiet har i kveld blitt kontakta av ein privatperson med adresse i Kuventrævegen etter funn av eit bed på eigedomen til vedkomande.

– Bedet er på ein privat eigedom ved sti som går langs Ulvenvannet og Kuventræ gravplass, fortel politioverbetjent Christine Grindstein.

Politiet ønskjer at vedkomande som har planta bedet tar kontakt, så vedkomande kan setjast i dialog med huseigar.

– Det er ikkje mistanke om eit straffbart forhold, understreker politiet i pressemeldinga.

Men dei seier heller ikkje noko meir om kvifor grunneigar ønskjer kontakt med vedkomande som har laga bedet.

– Verken vi eller grunneigar har fleire opplysingar om bedet.