Politiet og vegvesenet med 15 reaksjonar
Hadde kontroll to stadar i Os tysdag kveld.
Tysdag kveld hadde Statens vegvesen, saman med politiet, kontroll både på E39 Byvegen i Hjellemarka og E39 Halhjemsvegen på Halhjem ferjekai.
43 køyretøy var inne på kontrollplassane, 32 av desse blei kontrollerte - og det kom 15 reaksjonar.
– Ingen av bilførarane hadde promille, men vi skreiv ut forelegg til ein bilførar som køyrde med svakt nærlys, langlys som sto i feil vinkel og manglande vindusviskar på passasjersida av frontruta, fortel politioverbetjent Anne Lyssand.
Vegvesenet sette ned bruksforbod på bilen. I alt sju køyretøy fekk teknisk mangel grunna lys.
I tillegg blei fire sjåførar kontrollerte for køyre- og kviletid, der éin fekk ei åtvaring og ein annan blei meldt til politiet.
Det blei skrive ut fire gebyr på dekk under minstemål.
På tokt før midnatt
– Utanom desse kontrollane var patruljen ute og stoppa eit par andre bilar. I Industrivegen var det ein bil som ikkje detvar betalt omregistrering av, dette var klokka 23.40.
– I eit nabolag på Søre Neset var det ein bil som mangla fleire formalitetar. Eigar hadde nett kjøpt bilen, og fekk litt tid på seg til å ordna dette med vegvesenet mot at han lovde å ikkje bruka bilen i mellomtida, fortel Lyssand.
Spennande? Vil du ha ukas høgdepunkt i innboksen?
Les meir om
Tilbod: 1 månad for 1 kr
No kan du lesa Midtsiden.no i 1 månad for kun 1 kr.
- Tilgang til alt innhald
- Utan bindingstid
- Frå 145 kr/md.
Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.