Politiet sjekkar Langedalen
Store mengder avfall i alle kategoriar er dumpa i Langedalen. No vil politiet finna syndarane.
Søndag i 13.30-tida var politiet på synfaring i Langedalen.
Årsaka er at dei den siste tida har fått tips om at det er dumpa mykje avfall langs den aude vegstrekningen mellom Søfteland og Lysekloster.
– Politibetjentane som var på patrulje var overraska over kor utruleg mykje boss som var kasta langs vegen, seier lensmann Oddbjørn Dyrdal.
Møblar, bildelar, matavfall og restavfall ligg strødd langs vegen.
– Dette er omfattande og alvorleg, dette må vi få stopp på, seier Dyrdal.
– Vi vil sjå på ulike tiltak saman med Os kommune, men vi treng nok også publikum si hjelp. Vi set stor pris på å bli varsla om nokon ser at det blir dumpa avfall, eller har kjennskap til ulovleg aktivitet i området, seier han.