Prisdryss over Os
Os Turn sine 2. divisjonsdamer tok poeng mot Jotun og fekk tre spelarar på All star-laget. Erlend Lyssand blei årets trenar i 2. divisjon.

Laurdag var det sesongavslutning med toppoppgjeret mellom Os og Jotun.
Kampen var, saman med alle dei andre kampane i siste serierunde, lagt til Haukelandshallen i eit fellesarrangement i regi av handballregionen.
Sjølv om plasseringa på tabellen var avgjort før kampen var det mykje prestisje i å ta poeng mot suverene Jotun.
- Jentene var skikkeleg tente før kampen og hadde sykt lyst på å vera dei einaste som slo Jotun denne sesongen, fortel Ostrenar Erlend Lyssand.
Knallstolt
Sjølv om det ikkje blei siger, men 32-32 etter fulltid er Lyssand nøgd.
- Eg er knallstolt over det jentene har vist denne sesongen.
- Dei har stått på både i trening og kamp og stått løpet heilt ut, skryt Lyssand.
Han var òg synleg stolt over prestasjonen mot Jotun.
- Vi ligg under med 5 mål i andre omgangen, men kjempar oss inn att i kampen.
- Det er eg særs nøgd med. Jentene har all grunn til å feira på banketten no, smilte Lyssand før han forlot Haukelandshallen.
Årets trenar og tre på All star-laget
Får å heidra serievinnarane og gjera stas på spelarane hadde handballregionen invitert til bankett på Scandic Bergen med vel 300 deltakarar.
Gjennom dei siste vekene har trenarane på dei forskjellige laga stemt fram årets trenar, årets dommarpar og det jeve All Star-teamet.
Ostrenar Erlend Lyssand blei i dameklassa kåra til årets trenar 2012/13.
Han var ikkje den einaste osingen som blei gjort stas på. Vibeke Ingebrigtsen (årets keeper), Anna Bjørke Kallestad (årets høgre back) og Marte Øvreeide (årets strekspelar) blei og ropt opp på scena om mottok juble som tre av sju spelarar på all star-laget.
Os-Jotun 32-32 (18-18)
Utv: Os 1x2 min, Jotun 2x2 min
Os sitt lag: Irene Tangerås (15), Madeleine Hjertnes (2), Anna Bjørke Kallestad (6), Tonje Hjertnes, Maria Stangeland Lunde (4), Marte Øvreeide (3), Vibeke Ingebrigtsen, Elise Hjelle (2), Vilde Fyllingen, Vilde Brattabø, Hanne Sørstrønen, Silje Martine Årseth