Promille og avstikk

Fredag stakk ein kjenning frå rekninga på Esso, laurdag blei ein mann tatt for promillekjøring.

Kjetil Vasby Bruarøymandag 02. nov. 2009 09:11

Fredag morgon i 7-tida stakk ein bil frå bensinrekninga på Esso-stasjonen i Os sentrum. Men politiet veit kven vedkomande er.

- Dette er ein kjenning i 30-åra, så han slepp nok ikkje unna, seier politiførstebetjent Audun Hadler-Olsen.

Rekninga på 150 kroner blei spart, men straffa kjem nok til å kosta meir.

Mistenkt for promillekjøring
Laurdag morgon hadde politiet trafikkontroll ved Hagavik Hjemmebakeri. Klokka 9.30 stoppa dei ein som hadde promille.

- Vedkomande blei målt til 0,5 i promille. Det blei tatt beslag i førarkortet medan vi ventar på resultat frå utvida blodprøve.

Tre i vegbanen
Sundag kveld klokka 22.15 fekk politiet melding om tre i vegbanen på Hatvik.

- Treet sperra delar av det eine kjørefeltet. Vegtrafikksentralen blei kontakta, og dei tok hand om saka.

Politiet fortel om livleg uteliv laurdag, og ein del tillaup til slåssing. Les meir om kva som skjedde i helga i sakane under.