Prøvde å haika med makt

Fredag klokka 05.46 fekk Midtsiden melding om fire politipatruljar på veg frå Bergen mot Os. Så møtte innringar ein femte bil.

Utrykkinga gjekk til ein mann som dreiv offensiv haiking på Byvegen.

– Mannen stoppa bilane og prøvde så å ta seg inn i køyretøya, fortel politiet via Twitter.

Han blei pågripen.

– Vedkomande framsto som svært rusa, og var ikkje i stand til å avgi forklaring. Han er plassert i arresten inntil vidare.