Pub med humor og blues
Laurdag er det pub på Søre Neset, med standup med Maggen og konsert med Blue Note Shuffle.


Magnar "Maggen" Lien, som har fått halve Os til å gapskratta på Nore Neset og fire rundar på Opus dei siste månadane, er tilbake. Denne gong på scenen i ungdomshuset på Søre Neset, under pubkveld i regi av ungdomslaget.
Etter oppvarminga, som startar i 22-tida, vil eit ganske ferskt bluesband, med erfarne lokale artistar, spela til dans.
- Vi starta Pretty Good To Fly for nokre år sidan, men har skifta litt på medlemmane, derfor det nye namnet Blue Note Shuffle, seier vokalist og låtskrivar Steinar Lyssand.
Blue Note Shuffle spelar Texas-blues, meir moderne blues, musikk med bra trøkk i.
- Eg har skrive rundt 35 låtar, og mesteparten av reprertoaret er eigne låtar. Men litt cover blir det òg, blant anna av Jimi Hendrix og Stevie Ray Vaughn. Kanskje dukkar det opp ei ZZ Top-låt også.
Blue Note Shuffle består av Steinar Lyssand (vokal og gitar), Torbjørn Kristiansen (bass) og Kjell Arne Haringstad (trommer).
Vil du høyra nokre av låtane til Blue Note Shuffle, kan du besøka Myspace-sida deira.