PULS til Os
PULS drar ut på ein miniturné, og heimbygda til bandmedlem Signe Berge, Os, er blant stoppestadane.
- Dette blir ein salmekonsert utanom det vanlege, seier medlemmane i PULS.
PULS er ei nystarta bergensgruppe med medlemmar busett i Bergen, men med bakgrunn frå fleire plassar i landet. Ein av medlemmane, cellist Signe Berge, er frå Os.
- Det blir ein miniturné til helga, med konsert på Huglo, Horneland og avslutting på Os, fortel Signe.
-Salmetekstane og melodiane, fleire av dei er århundre gamle, har fått det vi kan kalla ei ny og spennande musikalsk drakt, seier ho.
Dei andre bandmedlemmane supplerer:
- Vi har eit ønskje om både å formidla og å gjera tilgjengeleg for nye generasjonar, i tillegg til å la dei av oss som har litt lenger fartstid i livet, få gjenoppdaga desse gode gamle låtane.
- Noko vi har jobba med er å underbyggja innhaldet i tekstane gjennom nye arrangement, utan å framandgjera dei ovanfor dei som kjenner songene frå før. Målet vårt er å laga ei konsertoppleving som passar for alle, for unge så vel som for gamle - og det trur vi at vi skal lukkast med!
Konserten i Os blir halden i Os kyrkje sundag klokka 17.30.
Spennande? Vil du ha ukas høgdepunkt i innboksen?
Les meir om
Tilbod: 1 månad for 1 kr
No kan du lesa Midtsiden.no i 1 månad for kun 1 kr.
- Tilgang til alt innhald
- Utan bindingstid
- Frå 145 kr/md.
Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.